Ka nisur dita e gjashtë e protestës për vrasjen e Klodian Rashës, nga efektivi i policisë.
Protestuesit në Tiranë kanë nisur marshimin nga sheshi Skëndërbej drejt Kryeministrisë.
Pas dorëheqjes së Sandër Lleshajt, nga posti i Ministrit të Brendshëm, tashmë ata kërkojnë edhe largimin e Drejtorit të Përgjithshëm të Policisë së Shtetit, Ardi Veliu dhe lirimin e të arrestuarve.
Thirrjes për protestë i janë përgjigjur vetëm disa qytetarë, ndërsa situata paraqitet e qetë.
“Jemi një vend shumë i vogël dhe ligji bëhet me vdekje”, dëgjohet të thotë një prej protestueseve.
“Dhuna nuk hiqet me dhunë, por me mirëqenie, me drejtësi. S’ka politikë, kush vret vritet. Dhuna sjell vetëm dhunë, trajtimi i keq sjell vetëm keqtrajtim. Përcarja krijon më tepër drama. Gjuha e urrejtjes krijon më tepër përçarje. Duhet të mbrojmë interesat e shqiptarëve ”, shprehet një tjetër qytetare.
“Jo politikë, jo politikë”, dëgjohet të thotë turma e mbledhur në sheshin Skëndërbej./tch/
Qeveria ka mbajtur dje mbledhje elektronike, njofton për ven...
Kosova me sanksione shtesë ndaj Rusisë
“Kosova prioritet kombëtar”, Hasani: Ne do të angazhohemi pë...
Murati: Pasdite pritet të bëhet ekzekutimi i shtesave nga 10...
SHSKUK-ja jep detaje për 30 vjeçarin e infektuar me Lijën e ...
Hoti: Sikur të nisej me kohë ndërtimi i termocentralit me ga...
📱 Shkarkoni Aplikacionin Arbresh.info për lajmet dhe përditësimet më të fundit!
Skip to content
